Media Centre

அண்மையில் திறந்து வைக்கப்பட்டுள்ள ஹவ்லொக் சிட்டி பேரங்காடியில் தனது வெளிப்புற DFCC Myspace ATM/CDM டிஜிட்டல் சுய-வங்கிச்சேவை வசதியை DFCC வங்கி பெருமையுடன் திறந்து வைத்துள்ளது. பேரங்காடியொன்றில் வங்கியால் முதல்முறையாக வங்கிக்கு வெளியே அமைக்கப்பட்டுள்ள ATM/CDM வசதியை இந்த மூலோபாய நகர்வு குறித்து நிற்பதுடன், தங்குதடையற்ற சௌகரியம் மற்றும் அதியுச்ச பாதுகாப்பு ஆகியவற்றில் கவனம் செலுத்தியவாறு, பெறுமதிமிக்க வாடிக்கையாளர்களின் பரிமாண மாற்றம் கண்டு வருகின்ற வங்கிச்சேவைத் தேவைகளை தீர்த்து வைப்பதில் அதன் அர்ப்பணிப்பை இது மேலும் உறுதிப்படுத்துகின்றது.

வங்கியின் சிரேஷ்ட அதிகாரிகள் அடங்கலாக, பெருமதிப்பிற்குரிய அதிதிகள் முன்னிலையில் 2023 ஒக்டோபர் 19 அன்று இவ்வசதி உத்தியோகபூர்வமாகத் திறந்து வைக்கப்பட்டுள்ளது.

DFCC வங்கியின் தனிநபர் வங்கிச்சேவை, சிறிய மற்றும் நடுத்தர அளவிலான தொழில் முயற்சிப் பிரிவின் சிரேஷ்ட உப தலைவரான ஆசிரி இத்தமல்கொட அவர்கள் இது தொடர்பில் கருத்து வெளியிடுகையில், “நாட்டில் முதலாவது IMAX திரையரங்குடன், இலங்கையின் ஷொப்பிங் மற்றும் பொழுதுபோக்குத் துறையில் புதுவரவாக, 2024 முதலாவது காலாண்டில் தொழிற்பட ஆரம்பிக்கவுள்ள புகழ்பூத்த, புதுப்பாணியான மற்றும் நவநாகரிகமான ஹவ்லொக் சிட்டி பேரங்காடியில் எமது Myspace ATM/CDM மையத்தை அறிமுகப்படுத்துவதில் மிகுந்த மகிழ்ச்சி அடைகின்றோம். வாடிக்கையாளர்களின் சௌகரியத்தை மேம்படுத்துவதில் DFCC வங்கியின் அர்ப்பணிப்பை இம்முயற்சி பிரதிபலிப்பதுடன், தங்குதடையற்ற பல்வழி வாடிக்கையாளர் அனுபவத்தை வழங்குவதில், டிஜிட்டல் வங்கிச் சேவைக்கும், யதார்த்த உலகின் அனுபவங்களுக்கும் இடையில் காணப்படும் இடைவெளியை நிரப்பும் எமது பயணத்தில் முக்கியமானதொரு படியாகவும் அமைந்துள்ளது. இச்சேவையைப் பெற்று, 24 மணி நேரமும் மிகுந்த சௌகரியத்துடன் வங்கிச்சேவையை அனுபவிக்குமாறு எமது வாடிக்கையாளர்கள் மற்றும் அச்சமூகத்தின் அங்கத்தவர்கள் அனைவருக்கும் நாம் அழைப்பு விடுக்கின்றோம்,” என்று குறிப்பிட்டார்.

ஒக்டோபர் 19 ஆம் திகதி திறந்து வைக்கப்பட்ட ஹவ்லொக் சிட்டி பேரங்காடி, ஏற்கனவே கொழும்பிலுள்ள முதன்மையான ஷொப்பிங் மற்றும் பொழுதுபோக்கு இடமாக பிரபலமடையத் தொடங்கியுள்ளது. இந்த கவர்ச்சியான சில்லறை வர்த்தகச் சூழலுக்கு மெருகேற்றும் வகையில், பேரங்காடியினுள் அனைவரும் அணுகக்கூடிய மற்றும் சௌகரியமான வங்கிச்சேவைத் தீர்வை DFCC வங்கி அறிமுகப்படுத்தியுள்ளது. பொருட் கொள்வனவுக்கு வருகின்றவர்கள், சில்லறை வர்த்தகர்கள், வணிகர்கள், ஹவ்லொக் சிட்டி மற்றும் அதனைச் சூழவுள்ள பிரதேசங்களின் குடியிருப்பாளர்கள் என பல்வேறுபட்ட வாடிக்கையாளர்களுக்கு இது தீர்வுகளை வழங்கும்.

பேரங்காடியினுள் ஏற்கனவே DFCC வாடிக்கையாளர்களாகவுள்ள சில்லறை வர்த்தகர்கள் மற்றும் விற்பனை மையங்கள் தமது அன்றாட பண வசூலை திறன்மிக்க வழியில் வைப்புச் செய்ய முடிவதுடன், பணத்தைக் கையாள்வதிலுள்ள சிக்கல்களைக் குறைத்து, பாதுகாப்பை அதிகரிக்கின்றது. மேலும், பல்வேறு வகையான அட்டைதாரர்களும் ATM/CDM வசதியை அணுக முடிவதால், உள்நாட்டில் விநியோகிக்கப்பட்ட அட்டைத் திட்டங்கள், வெளிநாடுகளில் விநியோகிக்கப்பட்ட VISA மற்றும் JCB டெபிட் மற்றும் கடனட்டைகளும் பரிவர்த்தனைகளுக்கு உபயோகிக்கப்படுவதை உறுதி செய்கின்றது. DFCC வங்கி ATM மையங்களில் வழக்கமாகக் கிடைக்கும் வசதிக்கு அமைவாக, DFCC வங்கிக் கணக்குகளுக்கு முழுமையான அணுகல், மொபைல் றீலோட் வசதிகள், பயன்பாட்டுக் கட்டணப் பட்டியல் கொடுப்பனவுகள் அடங்கலாக பல்வேறுபட்ட பெறுமதிசேர் சேவைகளை இம்மையம் வழங்குகின்றது.

DFCC வங்கியின் டிஜிட்டல் மூலோபாயத்திற்கான உப தலைவரான தினேஷ் ஜெபமணி அவர்கள் இது தொடர்பில் கருத்து வெளியிடுகையில், “வங்கிக்கு வெளியில் ஹவ்லொக் சிட்டி பேரங்காடியில் அமைக்கப்பட்டுள்ள ATM/CDM மையம், புத்தாக்கமான, டிஜிட்டல்ரீதியாக முன்னெடுக்கப்படுகின்ற வங்கிச்சேவைத் தீர்வுகளை வழங்கும் எமது அர்ப்பணிப்பைப் பிரதிபலிக்கின்றது. இது எமது வாடிக்கையாளர்களுக்கு தங்குதடையற்ற மற்றும் பாதுகாப்பான அனுபவத்தை வழங்குவதுடன், டிஜிட்டல் மற்றும் யதார்த்த உலகின் அனுபவங்களுக்கு இடையிலான இடைவெளியை தங்குதடையின்றி போக்கி, அளவுக்கதிகமான பணத்தை சுமக்க வேண்டிய கவலையை அகற்றி, பேரங்காடியின் சிறப்பம்சங்களை அனுபவிக்கும் அதேசமயம், தமது அவசர பணத்தேவைகளை நிறைவேற்றிக் கொள்ள அவர்களுக்கு இடமளிக்கின்றது. எமது பெறுமதிமிக்க வாடிக்கையாளர்களுக்காக தங்குதடையின்றிய சௌகரியத்தை வழங்குவதில் நாம் மிகுந்த மகிழ்ச்சி அடைகின்றோம்,” என்று குறிப்பிட்டார்.

ஹவ்லொக் சிட்டி பேரங்காடியிலுள்ள DFCC வங்கியின் Myspace ATM/CDM ஆனது வங்கிச்சேவையை எளிதானதாக, மிகவும் சௌகரியமானதாக மற்றும் அனைவரும் அணுகக்கூடியதாக மாற்றுவதில் வங்கியின் அர்ப்பணிப்பைக் காண்பிக்கின்றது. தனது வலையமைப்பில் இப்புதிய வரவானது நீங்கள் சென்று மகிழும் இடமாக, ஹவ்லொக் சிட்டி பேரங்காடியின் ஒட்டுமொத்த அனுபவத்திற்கு பங்களித்து, வங்கிச்சேவை அனுபவங்களையும் மேம்படுத்தும் என வங்கி திடமாக நம்புகின்றது!

இடமிருந்து வலப்புறமாக: சொஹாந்த விஜேசிங்க – சிரேஷ்ட உப தலைவர், நிறுவன வங்கிச்சேவை, DFCC வங்கி; பிரின்ஸ் பெரேரா – சிரேஷ்ட உப தலைவர், திறைசேரி மற்றும் முதலீட்டு வங்கிச்சேவை, DFCC வங்கி; ஆசிரி இத்தமல்கொட, சிரேஷ்ட உப தலைவர், தனிநபர் வங்கிச்சேவை, சிறிய மற்றும் நடுத்தர அளவிலான தொழில்துறை, DFCC வங்கி; தினேஷ் ஜெபமணி, உப தலைவர், டிஜிட்டல் மூலோபாயம், DFCC வங்கி; கொசோல் வெலுங்கொட – சிரேஷ்ட உறவுமுறை முகாமையாளர், நிறுவன வங்கிச்சேவை, DFCC வங்கி.

DFCC வங்கி பற்றிய விபரங்கள்

DFCC வங்கியானது 68 ஆண்டுகால வளமான வரலாற்றைக் கொண்ட முழுமையான சேவைகளை வழங்கும் ஒரு வணிக வங்கி என்பதுடன், பல்வேறு வணிக மற்றும் அபிவிருத்தி வங்கிச் சேவைகளை வழங்கி வருகிறது. அதன் நிலைபேற்றியல் மூலோபாயம் 2020-2030 இன் ஒரு பகுதியாக, வங்கியானது நெகிழ்திறன் கொண்ட வணிகங்களை தோற்றுவித்தல் மற்றும் பசுமை நிதிவசதி மற்றும் நிலைபேண்தகு, சமூகப் பொறுப்புணர்வுள்ள தொழில்முயற்சியாண்மை ஆகியவற்றை ஆதரிப்பதன் மூலம் மகத்தான நெகிழ்திறனுக்கு பங்களிப்பதில் ஒரு முன்னணி நிறுவனமாக மாறுவதை நோக்கமாகக் கொண்டுள்ளது, ஐக்கிய இராச்சியத்தின் Global Brands சஞ்சிகையால் 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ மற்றும் Euromoney இன் ‘Market leader in Cash Management 2021’ உட்பட பல பாராட்டுக்களையும், அங்கீகாரங்களையும் பெற்றுள்ளது. மேலும், DFCC வங்கியானது Business Today சஞ்சிகையால் இலங்கையின் சிறந்த 40 வர்த்தக நிறுவனங்களின் தரவரிசையிலும் பெயரிடப்பட்டுள்ளதுடன், Fitch Ratings Lanka Limited ஆல் A- (lka) தரப்படுத்தப்பட்டு, இலங்கை மத்திய வங்கியால் கட்டுப்படுத்தப்படுகிறது. நிலைபேற்றியலுக்கான அதன் அர்ப்பணிப்பிற்கு சான்றளிக்கும் வகையில், இலங்கையில் பசுமை காலநிலை நிதியத்தின் (Green Climate Fund – GCF) அங்கீகாரத்தைப் பெற்ற முதன்முதலான மற்றும் தற்போது வரையான ஒரேயொரு நிறுவனம் DFCC வங்கி என்பது குறிப்பிடத்தக்கது. இது நாடு முழுவதும் காலநிலைத் தணிவிப்பு மற்றும் அது சார்ந்த மாற்றத்தை உள்வாங்கும் செயல்திட்டங்களுக்கு ஆதரவாக 250 மில்லியன் அமெரிக்க டொலர்கள் மதிப்பிலான சலுகை நிதியைப் பெறுவதற்கான வாய்ப்பினை வழங்குகிறது.