Media Centre

ශ්‍රී ලාංකේය කාන්තා පරපුර සහ කාන්තා ව්‍යවසායකත්වය වෙනුවෙන් නිරතුරුවම කැපවී කටයුතු කරන බැංකුවක් වශයෙන් DFCC බැංකුව තම DFCC Pinnacle සේවා අංශය මඟින්, සාක් කාන්තා සංගමයේ ශ්‍රී ලංකා ශාඛාව විසින් සංවිධානය කරන ලද ‘SAARC Ethnic Elegance’ වැඩසටහනට පසුගියදා අනුග්‍රාහකත්වය ලබාදුන්නේ ය. මෙම වැඩසටහන 2022 දෙසැම්බර් 22 දින පෙරවරු 10 සිට කොළඹ හිල්ටන් හෝටලයේ ‘Blue Elephant Banquet Room’ හිදී පැවැත්විණි. සාර්ක් කාන්තා සංගමය යනු දකුණු ආසියාතික කලාපීය සහයෝගීතා සංවිධානයේ (South Asian Association for Regional Cooperation – SAARC) සාමාජික රටවල් 8 අතර මිත්‍රත්වය, සමගිය, සංස්කෘතික ක්‍රියාකාරකම් සහ සාමූහිකත්වය ප්‍රවර්ධනය කරන, වසර 25 ක ඉතිහාසයක් සහිත සංගමයකි. මෙම උත්සවයට සහභාගී වූ කාන්තාවෝ, සාක් කලාපයේ තම රටවල සංස්කෘතීන් නියෝජනය කරන ඇඳුම් පැළඳුම් වලින් සැරසී එය වර්ණවත් කළහ. මෙම උත්සවයෙන් ලැබුණු ආදායම, “SAARC Reach Out Project” නම් විශේෂ ව්‍යාපෘතිය වෙත බැර කරන ලදි. SAARC Reach Out Project යනු සාක් කලාපයේ රටවල විවිධ දුෂ්කරතාවන්ට මුහුණ දී සිටින ජනතාවගේ යහපත වෙනුවෙන් ක්‍රියාත්මක කර ඇති ප්‍රජා සත්කාරමය වැඩසටහනකි.

කාන්තාවන් වෙනුවෙන්ම හඳුන්වා දුන් මූල්‍ය සැලසුම් සේවාවක් වන ‘DFCC ආලෝකා’ සහ එහි ප්‍රතිලාභ හඳුන්වා දීමටද DFCC බැංකුව ‘SAARC Ethnic Elegance’ වැඩසටහන තුළදී කටයුතු කළේ ය. ‘DFCC ආලෝකා’ යනු ශ්‍රී ලාංකික කාන්තාවන්ට තම සිහින සැබෑ කරගැනීමට අවශ්‍ය මූල්‍යමය අත්වැල සැපයීම ඉලක්ක කරගත් සුවිශේෂී මූල්‍ය සැලසුම් සේවාවකි. මෙම සේවාව යටතේ, කාන්තාවන්ට විශේෂයෙන් වැදගත් වන ප්‍රතිලාභ රැසක් පිරිනමන, වෙළඳ නාමය සඳහන් ක්‍රෙඩිට් කාඩ්පතක් ඇතුළුව, සාමාන්‍ය ඉතුරුම් ගිණුමකින් නොලැබෙන ප්‍රතිලාභ රැසක් හිමි වේ. රු. 1000/- ක් වැනි සුළු මුදලකින් ගිණුමක් ආරම්භ කළ හැකි වීම, විශේෂ පොලී අනුපාතයක් හිමි වීම, දිවයින පුරා DFCC හෝ LankaPay ATM යන්ත්‍ර වලින් ගාස්තුවකින් තොරව මුදල් ලබාගත හැකි වීම, නොමිලේ ඩිජිටල් බැංකුකරණ සේවාවන් හිමි වීම සහ Mteller හරහා නිවසේ සිටම සුරක්ෂිත ලෙස බැංකු සේවාවන් ලබාගත හැකි වීම ඇතුළු ප්‍රතිලාභ රාශියක් මීට ඇතුළත් ය. තවද විශේෂ පොලී අනුපාතයන් යටතේ හිමිවන රන්භාණ්ඩ උකස් සේවාව, ගිණුමේ ශේෂය මෙන් 10 ගුණයක් දක්වා නොමිලේ රක්ෂණ ආවරණයක් සහ Doc990 සමග එක් වී පිරිනමන ප්‍රතිලාභයක් ලෙස, ගිණුම් හිමිකාරිය සහ පවුලේ සාමාජිකයක් 3 දෙනෙකු දක්වා පිරිසකට නොමිලේ සෞඛ්‍ය සේවාවන් හිමි වීම ඇතුළු ප්‍රතිලාභ රාශියක්ද ඔවුන්ට හිමි වේ. මේ සියල්ලට අමතරව, ව්‍යවසයිකාවන්ට මුදල් ප්‍රදානයන් ඇතුළුව මූල්‍ය පහසුකම් සැලසීම සඳහා අවශ්‍ය කටයුතු සම්පාදනය කිරීමටද ‘DFCC ආලෝකා’ නිරන්තරයෙන් කටයුතු කරයි.

“DFCC බැංකුව වාර්ගික විවිධත්වය, බහු සංස්කෘතිකත්වය සහ සාමූහිකත්වය ප්‍රවර්ධනය කිරීමට කැපවී සිටිනවා. සාක් කාන්තා සංගමයේ ශ්‍රී ලංකා ශාඛාව සමග අප ඇතිකරගත් හවුල්කාරීත්වය, විවිධත්වය, සමානත්වය හා අන්තර්කරණය වෙනුවෙන් අප දක්වන කැපවීමෙහි තවත් ඉදිරි පියවරක් ලෙස හැඳින්වීමට පුළුවන්. එමෙන්ම අප මූල්‍ය සේවා හරහා කාන්තාවන් සවිබල ගැන්වීම සහ කාන්තාවන් අතර මූල්‍ය සාක්ෂරතාවය හා ව්‍යවසායකත්වය ප්‍රවර්ධනය කිරීම කෙරෙහි විශාල අවධානයක් යොමු කරනවා. සාක් කාන්තා සංගමයේ උත්සාහයන් අප අගය කරන්නේත්, එම උත්සාහයන්ට සහයෝගය ලබාදෙන්නේත් ඒ නිසයි. අප විශ්වාස කරන වටිනාකම් සමග බෙහෙවින් සමගාමී වටිනාකම් මූලික කරගත් මෙම වැඩසටහන සමග සම්බන්ධ වීමට ලැබීම අපට මහත් සතුටක්.” DFCC බැංකුවේ Pinnacle සේවා/ශාඛා බැංකුකරණ සැලසුම් සහ ක්‍රියාත්මක කිරීම් ප්‍රධානී ශේරා හසන් මහත්මිය පැවසුවා ය.

DFCC බැංකුව, ‘අභියෝග වලට මුහුණ දිය හැකි ශක්තිමත් ශ්‍රී ලංකාවක් ගොඩනැංවීම’ යන අරමුණ මූලික කරගත් සිය තිරසාර ක්‍රමෝපාය ඔස්සේ ශ්‍රී ලංකාව තුළ ශක්තිමත් ප්‍රජාවන් නිර්මාණය කිරීමට කැපවී සිටී. DFCC බැංකුවේ 2030 තිරසාර සංවර්ධන ඉලක්ක සහ වැඩසටහන් මූලික වශයෙන් කාන්තාවන් සවිබල ගැන්වීම සහ විවිධත්වය, සමානත්වය හා අන්තර්කරණය සහිත සමාජයක් නිර්මාණය කිරීම කෙරෙහි අවධානය යොමු කරයි.

ඡායාරූපය (වමේ සිට):
Pinnacle සේවා සම්බන්ධතා කළමනාකාරිනී දිනුකි ආරියදාස, ජ්‍යෙෂ්ඨ සම්බන්ධතා කළමනාකාරිනී (පාරිභෝගික බැංකුකරණ) සහ කුඩා හා මධ්‍ය පරිමාණ ව්‍යාපාර රුවනි වීරසිංහ, Pinnacle සේවා/ශාඛා බැංකුකරණ සැලසුම් සහ ක්‍රියාත්මක කිරීම් ප්‍රධානී ශේරා හසන්, සාක් කාන්තා සංගමයේ ශ්‍රී ලංකා ශාඛාවේ සභාපතිනි නිම්මි තම්බයියා, එම සංවිධානයේ සම භාණ්ඩාගාරිකා යමුනා ගනේශලිංගම්, Pinnacle සහ Prestige සේවා කළමනාකාරිනී සචිනි විලියම්ස් සහ Pinnacle සම්බන්ධතා නිලධාරිනී ප්‍රිශානි ද මෙල් යන මහත්මීන්

DFCC බැංකුව පිළිබඳව

DFCC බැංකුව වසර 66 කට අධික ප්‍රෞඪ උරුමයක් හිමි, ශ‍්‍රී ලංකාවේ ප‍්‍රමුඛතම මූල්‍ය සමාගමකින් පැවත එන, පුළුල් පරාසයක පැතිරුණු වාණිජ හා සංවර්ධන බැංකු සේවාවන් සපයන වාණිජ බැංකුවකි. හරිත මූල්‍යකරණයට සහ තිරසාර හා සමාජයීය ව්‍යවසායකයන්ට අත්වැලක් වෙමින්, රටේ තිරසාර ආර්ථික සංවර්ධනයට දායක විය හැකි ශක්තිමත් ව්‍යාපාර නිර්මාණය කිරීම ඇතුළුව, වඩාත් ශක්තිමත් දේශයක් බිහිකිරීම උදෙසා උරදෙන ප්‍රමුඛතම බැංකු අතරින් එකක් බවට පත්වීම, DFCC බැංකුවේ 2020-2030 තිරසාරත්ව ක්‍රමෝපායේ එක් ප්‍රධානතම ඉලක්කයකි. එම බැංකුවට 2021 වසරේදී එක්සත් රාජධානියේ Global Brands Magazine වෙතින් ‘ශ්‍රී ලංකාවේ වඩාත්ම විශ්වාසය දිනූ පාරිභෝගික බැංකුකරණ සේවා සන්නාමය’ සහ ‘ශ්‍රී ලංකාවේ විශිෂ්ටතම පාරිභෝගික සේවා බැංකුකරණ සන්නාමය’ යන සම්මාන හිමි විය. එමෙන්ම Business Today සඟරාව මගින් DFCC බැංකුව ශ්‍රී ලංකාවේ ප‍්‍රමුඛතම සමාගම් 40 අතරට නම්කර ඇත. තවද එම බැංකුව ICRA Lanka සමාගම වෙතින් [SL] AA- ස්ථාවර’ ශ්‍රේණිය සහ Fitch Ratings Lanka සමාගම වෙතින් ‘A+ (lka) ස්ථාවර’ ශ්‍රේණිය හිමිකරගෙන තිබේ.