‘DFCC ගරුසරු විශ්‍රාම ප්‍රණාම’ – DFCC බැංකුවෙන් රජයේ විශ්‍රාමිකයන් වෙනුවෙන්ම විශේෂ online වැඩසටහනක්

Media Centre

Economic, social and environment development is deeply embedded in our values and informs how we conduct business, develop products and services and deliver on our goals and commitments.

‘DFCC ගරුසරු විශ්‍රාම ප්‍රණාම’ – DFCC බැංකුවෙන් රජයේ විශ්‍රාමිකයන් වෙනුවෙන්ම විශේෂ online වැඩසටහනක්

July 2, 2021

ජනතාවට සේවය කිරීම උදෙසා තම දිවිය කැපකළ රාජ්‍ය සේවයේ විශ්‍රාමිකයන් සියලුම දෙනාට උපහාර පිදීමක් වශයෙන් සුවිශේෂී online වැඩසටහනක් සංවිධානය කිරීමට DFCC බැංකුව කටයුතු යොදා තිබේ.

‘DFCC ගරුසරු විශ්‍රාම ප්‍රණාම’ ලෙස මෙම වැඩසටහන නම්කර ඇති අතර, දැනට රටේ පවතින COVID-19 තත්වය හේතුවෙන් තම නිවෙස් වල සිටම එම වැඩසටහනට online තාක්ෂණය හරහා සම්බන්ධ වීමට විශ්‍රාමිකයන්ට අවස්ථාව ලබාදෙනු ඇත.

විශ්‍රාමිකයන්ගේ යහපත ඉලක්ක කරගත් විශේෂාංග රැසක් මෙම සුවිශේෂී වැඩසටහනට ඇතුළත් වී තිබේ. විශේෂඥ වෛද්‍යවරයෙකු වෙතින් වැදගත් හා කාලීන සෞඛ්‍ය උපදෙස්, රටේ ජනප්‍රිය රංගන ශිල්පීන් දායක වන හාස්‍යෝත්පාදක කෙටි නාට්‍යයක්, සහ DFCC ගරුසරු පුද්ගලික ණය යෝජනා ක්‍රමය පිළිබඳ හැඳින්වීමක් ඇතුළු විශේෂාංග රැසක් මෙහිදී විකාශය කෙරෙනු ඇත.

2021 ජූලි 11 දින පෙරවරු 10.00 සිට පැය එකහමාරක කාලයක් පුරා පැවැත්වීමට නියමිත මෙම වැඩසටහනට YouTube Live ඔස්සේ නොමිලේ සහභාගී විය හැකි වේ. මීට සහභාගී වීමට බලාපොරොත්තු වන විශ්‍රාමිකයන් 0112 350 000 අංකය අමතා ලියාපදිංචි විය යුතු අතර එවිට ඔවුන්ට වැඩසටහනට එක්විය හැකි සබැඳිය (Link) ලැබෙනු ඇත.

‘DFCC ගරුසරු ණය යෝජනා ක්‍රමය’ යනු, රජයේ සේවයෙන් විශ්‍රාම ගත් පුද්ගලයන් වෙනුවෙන්ම සැලසුම් කළ ණය යෝජනා ක්‍රමයකි. මෙමගින් රු. මිලියන 3 ක් දක්වා ණය මුදලක් ලබාගත හැකි අතර, ආපසු ගෙවීම සඳහා වසර 10 ක කාලයක් හිමි වේ. අවම පොලී අනුපාත සහ කාර්යක්ෂම පාරිභෝගික සේවාවක් සමගින් වඩාත් පහසුවෙන් මෙම ණය පහසුකම ලබාගැනීමට විශ්‍රාමිකයන්ට අවස්ථාව ලැබෙනු ඇත.

‘DFCC ගරුසරු’ සේවා එකතුවේ කොටසක් වශයෙන්, ආරම්භක තැන්පතුව ලෙස රු. 1,000/- ක මුදලක් සහිත DFCC ගරුසරු ජ්‍යෙෂ්ඨ පුරවැසි ඉතුරුම් ගිණුම ගනුදෙනුකරුවන් වෙත හඳුන්වා දී තිබේ. මෙම ගිණුමෙහි ඉතුරුම් සඳහා ඉහළ පොලියක් පිරිනැමීමට අමතරව, සෞඛ්‍ය සේවාවන් ඇතුළු තවත් බොහෝ සේවාවන් සඳහා ගනුදෙනුකරුවන් වෙත සුවිශේෂී වට්ටම් සහ වවුචර් පත් ආදිය ලබාදීමටද DFCC බැංකුව කටයුතු යොදා ඇත.

DFCC බැංකුව පිළිබඳව 

DFCC බැංකුව වසර 65 ක ප්‍රෞඪ උරුමයක් හිමි, ශ‍්‍රී ලංකාවේ ප‍්‍රමුඛතම මූල්‍ය සමාගමකින් පැවත එන, පරිපූර්ණ වාණිජ හා සංවර්ධන බැංකු සේවාවන් සපයන වාණිජ බැංකුවකි. Business Today සඟරාව මගින් ප‍්‍රමුඛතම සමාගම් 30 අතරට නම්කර ඇති DFCC බැංකුව 2021 Brand Finance Top 100 Most Valuable Brands ලැයිස්තුවටද ඇතුළත් වී ඇත. තවද එම බැංකුව ICRA Lanka සමාගම වෙතින් [SL] AA- ස්ථාවර’ ශ්‍රේණිය සහ Fitch Ratings Lanka සමාගම වෙතින් ‘A+ (lka)  ස්ථාවර’ ශ්‍රේණිය හිමිකරගෙන තිබේ.